Madrid-Barça. Quen ten mellor once? E mellor plantilla?

Parece claro que o título de liga vai ser cousa de dous. Existe un debate nas tertulias radiofónicas, nos xornais deportivos e entre os afeccionados, sobre quen ten mellor equipo: Madrid ou Barça. Deixando a un lado o estilo de xogo que cada equipo practica, penso que, para comparar as dúas escadras, habería que distinguir entre once titular e plantilla completa.

Poñamos por caso que os titulares do Madrid sexan:  Casillas; Ramos, Pepe, Albiol, Marcelo; Lass, X Alonso, Kaká, Cristiano; Raúl e Benzema. E que os do Barça son: Valdés; Alves, Puyol, Piqué, Abidal; Toure, Xavi, Iniesta; Messi, Ibrahimovic e Henry. Os merengues no banquillo terían a Higuaín, Van Nistelrooy, Granero, Guti, Gago, Diarra, Van der Vaart, Arbeloa, Metzelder, Garay e Drenthe. E os culés a Bojan, Pedrito, Jeffren, Keita, Busquets, Maxwel, Chygrinsky e Márquez (non sei si me olvido dalgún).

Analizando a calidade dos «onces» titulares, eu vexo a Madrid e Barça moi igualados en conxunto. Hai algún posto donde un ou outro equipo sae gañando, pero en xeral están igualados. Pero en canto a plantilla, creo que o Madrid é superior, tanto en calidade como e cantidade. En primeiro lugar, penso que a plantilla culé é algo escasa en efectivos (o propio Guardiola o recoñeceu publicamente), mentres que a dos merengues é máis ampla. E logo, en canto á calidade dos suplentes, para min o Madrid é superior xa que ten futbolistas como Higuaín, Granero, Guti, Van Gol, Van der Vaart que poden xogar de titulares en calquera momento e o equipo casi non o nota. En cambio, no Barça penso que hai unha distancia maior entre os titulares e suplentes na maioría dos postos.

De todas formas, todo esto é a priori, e non significa que o Madrid vaia a ganar a liga seguro, porque o fútbol non é matemáticas. Tamén haberá quen pense diferente, e diga que o Barça ten mellor plantilla. O debate está aberto.

Anuncio publicitario