A vida non sempre é marabillosa

Falece o locutor deportivo Andrés Montes                         

O popular presentador deportivo Andrés Montes, de 53 anos, foi atopado morto no seu domicilio de Madrid na noite do venres. As causas do falecemento son descoñecidas de momento, aínda que as primeiras informacións apuntan a que o cadáver non apuntaba signos externos de violencia.

O coñecido locutor, de pai galego e nai cubana (tamaña mistura), fíxose famoso polos seus peculiares comentarios nas retransmisións de fútbol e baloncesto. Frases como «fútbol con fatatas», «donde están las llaves, Salinas» o «tiki-taka», poidéronse escoitar nos últimos tres anos na Sexta, cadea onde traballou Andrés Montes ata hai ben pouco. O seu estilo auténtico fixo que se gañase tantos admiradores como detractores, xusto o que debe transmitir un comunicador. Porque a indiferencia é a morte de alguén que se coloca diante dun micro ou unha pantalla.

Baixo o meu punto de vista, era un bo locutor que adornaba as súas narraccións con comentarios ocurrentes e humorísticos. E si o comparamos con comentaristas doutras televisións (por exemplo, algún petardo da TVG), Montes era un fenómeno. Pero xa se sabe, para gustos as cores.

Na súa última rentranmisión deportiva coa Sexta (final do Europeo de baloncesto España-Serbia), Andrés Montes despediuse coa súa famosa frase «La vida puede ser maravillosa». Por desgraza, a veces a vida non é tan marabillosa.

Anuncio publicitario