Archive for enero 14, 2010

Canales fracasará no Madrid

Varios medios deportivos informan que o Real Madrid ten atado a Sergio Canales, xoven perla do Rácing, para o ano 2011. De confirmarse a fichaxe, creo que este futbolista que está a piques cumprir 19 anos vai a fracasar no club merengue.

Voume a explicar, pero antes de nada aclaro que me parece que Canales ten cualidades moi importantes como xogador de fútbol, e máis á súa idade. Pero iso non significa que vaia a triunfar nun equipo tan esixente como o Real Madrid.

Canales soe xogar de mediapunta ou segundo dianteiro, aínda que se pode adaptar a outras posicións ofensivas. Na fronte de ataque, o Madrid dispón de Kaká, Cristiano, Higuaín, Benzema, e a partir da temporada que vén, Ribery. Todos eles xogadores xóvenes e de futuro, que no ano 2011 van a seguir no club -salvo algunha cousa rara-.

O panorama co que se atoparía Canales en dito ano é o seguinte: polo menos 5 cracks ofensivos loitando por 3-4 postos de titular. Sinceramente, para que Canales se gañase un sitio no equipo tería que ser un auténtico fenómeno de categoría mundial. Do contrario, acabará sendo carne de banqueta con 20 anos e buscándose a vida noutro lugar.

Ogallá me equivoque e Canales consiga arrasar, pero non vexo a este xoven futbolista triunfando no Real Madrid en 2011. O cal non significa que o poida facer noutro equipo dos chamados grandes, sexa en España ou noutra liga importante de Europa.

E xa está.

enero 14, 2010 at 1:39 pm Deja un comentario


Calendario

enero 2010
L M X J V S D
 123
45678910
11121314151617
18192021222324
25262728293031

Posts by Month

Posts by Category