O ciclón foi o Madrid

Tenerife  1   Real Madrid 5

O pasado venres  pasou a chamada «tormenta perfecta» por Tenerife. A  mesma que onte tocaba Galicia. Pero o verdadeiro ciclón  pasou pola illa canaria o sábado pola tarde-noite, cun nome chamado Real Madrid.

Logo duns primeiros minutos de tanteo, o Pipita Higuaín presentou as súas credenciais en forma de dous goles de dianteiro nato.  Co 0-2, e tralo descanso,  outro lacaio do Villarato (Ramírez Domínguez) quixo darlle emoción ao encontro e permitiu que subise ao marcador un gol totalmente ilegal do Tenerife, tras falta previa a Casillas.

Pouco lle durou a ledicia a Villar e Sánchez Arminio, pois un minuto despois Kaká deixou claro que a vitoria merengue non se ía a escapar.  O Tenerife seguiuno intentando, e incluso o adestrador local cambiou un central por un dianteiro. As consecuencias estaban claras:  chaquetilla segura!!!.

E así foi. Cristiano -de penalti- e Raúl  puxeron o 1- 5 definitivo, pero xa antes Higuaín tirara ao longueiro e o propio portugués fallara un man a man co porteiro local.

Mentres tanto, o Farsa sigue coa historia de sempre. Deixaron de pitarlle dous penaltis ao Málaga, e no 2-1 de Messi teño serias dúbidas da súa legalidade. O imputado e os seus esbirros  queren darlle emoción a esta Liga e xa levan regalado ao Farsa arredor de 10 puntos.

E xa está.

Anuncio publicitario