Man negra contra o Superequipo

A prensa deportiva do Superequipo está preocupada. E con razón, posto que existe unha “man negra” arbitral contra os culés. Para proba, os últimos partidos disputados polos cataláns: en liga contra o Villareal, e en Copa ante o Sevilla.

No encontro ante o Submarino Amarelo, Bernardino González Vázquez (alias “el culé”) deixou de pitar dous penaltis a favor dos de Castellón, ademais de perdoar a expulsión de Ibrahimovic e Puyol. Como premio, o colexiado galego vai dirixir a semana que vén o Atletic Bilbao-Real Madrid.

O Villarato é un invento dos madridistas, claro está. Que llo pregunten ao Almería, ao Español, á Banda, ao susodito Villareal, etc. Todos eles foron favorecidos claramente nos seus partidos ante o Superequipo.

Polo tanto, xa se sabe. Villar fíxose madridista da noite para a mañá, Sánchez Arminio xa deu ordes aos seus súbditos para que prexudiquen ao Superequipo. Juan Lapuerta debe estar dos nervos, pero non ten nada que facer.

Como diría un bo amigo: “Manda carallo na feira das porcas!!!”.

E xa está.