A hora de Benzema

• O Pipita Higuaín estará de baixa 3 semanas por unha lesión

 

Benzema terá a súa oportunidade nas vindeiras tres semanas, que será o tempo que estará inactivo Higuaín logo de sufrir unha rotura fibrilar no partido ante o Mallorca.

O dianteiro francés está sendo suplente nos  últimos partidos do Real Madrid. Agora chega a súa hora ante a ausencia do Pipita. Deberá demostrar se merece un posto no equipo titular para cando Higuaín se recupere.

Se Benzema non aproveita esta oportunidade, terá que seguir agardando. Non será fácil quitarlle o posto ao Pipita, pero agora é o momento no que o gabacho ten que presentar as súas credenciais ante o adestrador e os seguidores merengues.

En canto á lesión de Higuaín, cabe sinalar a mala sorte que está tendo o Madrid no capítulo de baixas, sobre todo con xogadores titulares. Primeiro foi Cristiano (2 meses); cando o portugués se recuperou, caeu Kaká (40 días); e agora que o brasileiro está de volta, lesiónase o Pipita.

Logo está o caso de Van der Vaart, que unha vez que se gañou un posto no equipo, sufre unha lesión que o terá apartado 2-3 semanas. Capítulo aparte é o de Pepe,que xa é baixa para toda a temporada por rotura de ligamento cruzado nun xeonllo.

A pregunta é: que sería do Superequipo se tivese a Messi dous meses  lesionado, a Iniesta ou Xavi outro mes e pico, a Ibrahimovic 3 semanas, e a Piqué ou Puyol de baixa para toda a temporada?.

E xa está.

Anuncio publicitario